Niregana Itzuli · 12 asteko prozesu gidatua
Zuregana itzuli, harremanetan zure lekua hartzeko.
12 aste zeure buruari berriro entzuten ikasteko, zeure burua kontuan hartzeko eta barruan entzuten duzun hori zure egunerokora eta harremanetara eramateko.
Besteak zaintzen jarraituz, zeure burua bidean galdu gabe.
Agian ez zaizu beti gertatzen. Baina agian zeure burua hemen ezagutzen duzu.
Eguna amaitu da.
Etxea lasai dago azkenean.
Eta konturatzen zara egun osoa eman duzula gauzak egiten, konpontzen, zaintzen, besteei erantzuten... baina ez diozula zeure buruari behin ere galdetu:
Eta ni, nola nago?
Eta agian ez da gaurko kontua. Aspaldidik daramazu horrela. Hainbeste, non batzuetan zaila egiten zaizun jakitea zer nahi duzun zuk. Edo zer behar duzun. Edo non geratu zaren zu guztiaren erdian.
Agian pentsamendu hauetakoren bat ezaguna egiten zaizu:
«Beti uzten dut neure burua azkenerako.» «Aspaldi ez dakit zer nahi dudan nik.» «Behar dudana esaten badut, norbait minduko ote dut?»
Baina ez duzu zure bizitza hankaz gora jarri nahi. Ez duzu maite dituzunak zaintzeari utzi nahi. Baina zuk ere zure bizitzan lekua izan nahi duzu.
Eta hor hasten da Niregana Itzuli 🌻
Aldaketa ez da kanpotik hasten.
Barrutik hasten da.
Agian pentsatu duzu mugak jartzen ikasi behar duzula. Edo «ez» esaten. Edo sentitzen eta behar duzuna gehiago adierazten. Baina bada horren aurretik datorren zerbait: zeure buruari entzuten ikastea.
Zeren... Nola esango duzu zer behar duzun, zuk zeuk entzuten ez baduzu? Nola jarriko duzu muga bat, barruan zer gertatzen zaizun konturatzen ez bazara? Nola hartuko duzu zure lekua harremanetan, lehenago zeure buruarekin zure lekua hartzen ez baduzu?
Horregatik, Niregana Itzuli-n ez gara kanpotik hasten. Barrutik kanpora egingo dugu bidea.
Ni ere egon naiz hor
Ni Edurne naiz. Eta beste emakumeei bide honetan laguntzen hasi aurretik, neuk ere egin behar izan nuen bide hau.
Urte luzez oso arduratsua izan naiz. Zaintzea, laguntzea eta hor egotea naturalki ateratzen zitzaidan. Konturatu gabe, ordea, nire beharrak azken tokian uzten joan nintzen.
Ama bihurtu nintzenean, nire gorputza gero eta argiago hitz egiten hasi zitzaidan: masailezurra estututa, presioa bularrean, etengabeko alerta-sentsazioa... Kanpotik, denetara iristen nintzela zirudien. Barrutik, ordea, beste zerbait gertatzen ari zen.
Nire prozesu pertsonalean eta prestakuntzan, gelditzen, sentitzen nuenari entzuten eta neure buruari zer behar nuen galdetzen hasi nintzen.
Eta zerbait garrantzitsua ulertu nuen: ni ere nire bizitzaren eta harremanen parte nintzen. Neure burua kontuan hartzeak ez zuen esan nahi besteak kontuan ez hartzea. Besteak zaintzen jarrai nezakeen, neure burua bidean galdu gabe.
Esperientzia horretatik, nire prestakuntzatik eta urte hauetan beste emakume batzuk laguntzen ikasitakotik jaio da Niregana Itzuli 🌻
Eta bide honetan ez nago nire esperientzia pertsonaletik bakarrik
Urteetako prestakuntza eta esperientzia.
Urte hauetan nire prozesu pertsonala prestakuntza eta esperientzia profesionala uztartzen joan naiz, pertsonei beren burua hobeto ezagutzen eta ulertzen, beren burua kontuan hartzen eta harremanetan beste modu batean kokatzen laguntzeko.
Nire prestakuntzaren artean daude:
- Coaching-a, Adimen Emozionala eta PNL
- Komunikazio Ez Bortitza (CNV)
- Mindfulness-a — bideratzailea
- Indarguneen Coaching-a · FORTE (IEPP)
- Familia Coaching-a
- Diziplina Positiboa
- Yoga Nidra
Eta hezkuntza munduan ere urteetako esperientzia dut irakasle gisa.
Baina Niregana Itzuli ez da prestakuntza horien bilduma bat.
Horietatik guztietatik ikasitakoa, nire bide pertsonalean bizitakoa eta urte hauetan beste pertsonei laguntzen ikasitakoa elkartzen dituen prozesua da. Horregatik sortu dut modu honetan: barrutik kanpora.
Lehenengo, zeure buruarekin duzun harremanetik hasita. Eta gero, barruan entzuten eta ulertzen duzun hori zure egunerokora eta harremanetara eramanez.
Niregana Itzuli zuretzat izan daiteke, baldin eta...
- Askotan besteentzat hor bazaude, baina zeure burua azkenerako uzten baduzu.
- Barruan «ez» sentitu arren, askotan «bai» esaten baduzu, ez molestatzeko edo gatazkarik ez sortzeko.
- Zer sentitzen duzun, zer behar duzun edo zer nahi duzun argitzea eta adieraztea kostatzen bazaizu.
- Zeure burua kontuan hartzen hasten zarenean erruduntasuna edo zalantza agertzen bazaizu.
- Besteak zaintzen jarraitu nahi baduzu, zeure burua bidean galdu gabe.
Hauetako batean baino gehiagotan zeure burua ezagutu baduzu, jarraian erakutsiko dizut nolakoa izango den 12 asteko bidea.
«Zu ere garrantzitsua zara.»
Zer alda daiteke 12 aste hauetan?
Zurekin duzun harremana, lehenengo.
Niregana Itzuli ez da bizitza perfektu bat lortzeko programa. Zeure buruarekin duzun harremana aldatzen hasteko prozesua da.
Zeure burua gehiago entzuten, ulertzen eta kontuan hartzen hasten zarenean, pixkanaka, zure egunerokoan eta harremanetan ere gauzak beste modu batean egiten hasten zara.
12 aste hauetan egingo dugun bidearen bidez, pixkanaka:
Presenteago bizi ahal izango zara. Pilotu automatikoan hainbeste ibili beharrean, barruan eta inguruan gertatzen ari denaz gehiago jabetzen.
Erreakzionatu beharrean, kontzientzia handiagoz erantzuten hasi. Sentitzen duzunaren eta egiten duzunaren artean tarte txiki bat sortuz.
Zure «nahi dut» eta «behar dut» berriro entzun. «Egin behar dut»-etik bakarrik bizi beharrean, zuk zer nahi eta behar duzun ere kontuan hartuz.
Erabakiak zeure burua ere kontuan hartuta hartu. Besteek espero dutenak edo behar dutenak beti zure ordez erabaki ez dezan.
Sentitzen eta behar duzuna argiago adierazten hasi. Zure ahotsari pixkanaka leku gehiago emanez, erruduntasunak edo gatazkaren beldurrak beti isilarazi gabe.
Zure mugak hobeto entzun eta adierazi. Ez soilik «ez» esaten ikasteko, baizik eta zergatik den ezetz hori garrantzitsua zuretzat ulertzeko. Epaitu edo exijitu beharrean, zeure burua hobeto ulertzen ikasteko.
Ez beste pertsona bat bihurtzeko. Zugandik urrundu gabe bizitzen hasteko baizik.
12 asteko bidea, barrutik kanpora
Niregana Itzuli 12 asteko prozesu gidatua da.
Ez da beste pertsona bat bihurtzeko programa. Ezta egiteko gauza gehiago emateko ere. Pixkanaka, zeure buruarekin duzun harremana eraldatzen laguntzeko dago: zure gorputzari, emozioei eta beharrei arreta jartzen; zure «nahi dut» berriro entzuten; eta zeure burua ere kontuan hartzen. Eta hortik, zure bizitzan eta harremanetan zure lekua hartzen hasteko.
Pilotu automatikotik zeure buruari berriro entzutera
Lehenengo asteetan barrura begiratuko dugu. Zure gorputzak zer esaten dizun, zer sentitzen duzun, zer behar duzun eta zure barruko ahotsa nola ari zaizun hitz egiten ikusten hasiko gara. Ez dugu ezer presaka aldatuko.
Lehenengo, gelditu. Entzun. Onartu. Ulertu.Ulertzetik zeure buruaren alde jartzera
Zeure buruari entzuten hasten zarenean, entzuten duzun horri lekua egiten ikasiko dugu. Zeure buruarekin atseginagoa izaten. Zeure indarguneak eta balioak ezagutzen. Zure «nahi dut»-ari berriro lekua egiten. Eta laguntza eskatu eta jasotzen.
Pixkanaka, besteentzat gordetzen zenuen lekua zeure buruari ere ematen hasten zara.Barrutik kanpora: harremanetan zure lekua hartzera
Azken etapan, barruan egindako bidea zure harremanetara eramango dugu. Zure ahotsari lekua egiten. Behar duzuna adierazten. «Ez» esaten. Mugak zaintzatik jartzen. Eta harremanetan zu ere kontuan hartzen.
Ez teknikak aplikatzeko soilik. Baizik eta harremanetara zurekin eraiki duzun harreman berritik joateko.Bidean zurekin izango duzuna
Zure egunerokoan benetan integratzeko pentsatua.
- 🎧 36 audio gidatu • Astean hiru. Laburrak eta egunerokoan erraz integratzeko pentsatuak, beste zeregin astun bat gehitu gabe. Entzun, gelditu eta aste horretako gaian pixkanaka sakontzeko.
- 🌿 Astero fitxa lagungarri bat. Astean landutakoa jaso, hausnartu eta zure bizitzara eramaten laguntzeko. Ez da bete beharreko lan-koaderno bat, zure prozesuan laguntzeko euskarri bat baizik.
- 💬 WhatsApp talde pribatua. Bidea bakarrik egin behar ez izateko. Nire laguntzarekin eta prozesu bera egiten ari diren beste emakume batzuekin partekatzeko, galdetzeko eta elkarri laguntzeko espazioa.
- 🤍 3 talde-topaketa zuzenean. Etapa bakoitzaren amaieran, bizitakoa integratzeko, zalantzak argitzeko eta elkarrekin partekatzeko.
- 🌱 12 asteko bidelaguntza. Ez zaitut audioekin bakarrik utziko. Prozesuan zehar zurekin izango naiz, sortzen zaizuna jasotzeko eta bidean laguntzeko.
Imajinatu…
Egun arrunt bat, beste modu batean.
Esnatzen zara eta, egunari ekin aurretik, une batez zeure buruari galdetzen diozu:
Nola nago gaur? Zer behar dut?
Egunean zehar egoera zail bat agertzen da. Eta oraingoan ez duzu automatikoki erreakzionatzen. Une batez gelditzen zara. Barruan zer gertatzen zaizun entzuten duzu. Eta nola erantzun nahi duzun aukeratzeko tartea egiten duzu.
Norbaitek zerbait eskatzen dizunean, ez duzu berehala «bai» esaten. Lehenengo, zeure burua ere kontuan hartzen duzu.
Laguntza behar baduzu, eskatzea pixka bat errazagoa egiten zaizu. Atsedena behar baduzu, atsedena hartzeko aukera ematen diozu zeure buruari, minutu bakoitza justifikatu gabe.
Eta egunaren amaieran, agian lasaitasun handiagoa sentitzen duzu. Ez zure bizitza perfektua delako. Ez dena aldatu delako. Baizik eta, oraingoan, eguna bizitzen joan zarelako bidean zure burua galdu gabe.
Lehen edizioa
Zerbait argi esan nahi dizut.
Niregana Itzuli-ren 12 asteko formatu honen lehen edizioa irailaren 21ean hasiko da.
Baina programa hau ez da hutsetik sortu. Atzean daude nire prestakuntza, nire prozesu pertsonala eta urte hauetan beste emakume batzuei laguntzen ikasitakoa. Eta urte hauetan behin eta berriro ikusi dudan zerbait: aldaketa ez dela «ez» esaten edo mugak jartzen ikastetik hasten.
Lehenengo, zeure buruari berriro entzuten hasten da. Sentitzen eta behar duzunari lekua egiten. Zeure burua ere kontuan hartzen.
Barrutik kanpora. Lehenengo, zuregana itzuli.
Zalantzak izatea normala da
Agian galdetu diozu zeure buruari.
Eta denborarik ez badut?
Ez duzu orduak atera behar. Astean hiru audio labur izango dituzu, zure erritmoan entzuteko, eta proposamenak eguneroko bizitzan integratzeko pentsatuta daude. Ez da egiteko gehiago gehitzea, daukazun bizitzan zeure buruari ere lekua egiten ikastea baizik.
Eta ez banaiz konstantea?
Ez duzu dena perfektuki egin behar. Ez baduzu audio bat egun berean entzuten edo aste batean erritmoa galtzen baduzu, ez du esan nahi prozesutik kanpo geratu zarenik. Helburua ez da dena betetzea, baizik eta behin eta berriro zuregana itzultzen ikastea. Eta horretarako izango nauzu bidelagun.
Niretzat zaila bada nire buruaz hitz egitea edo sentitzen dudana adieraztea?
Ez zara ezer partekatzera behartuta egongo. Zure erritmoan egingo duzu bidea. Taldean entzun besterik ez baduzu egin nahi une batean, hori ere ongi dago. Pixkanaka, segurtasun gehiago sentitzen duzun heinean, zure ahotsari lekua egiten joan zaitezke.
Nire bikotea edo nire egoera bada arazoa?
Niregana Itzuli-k ez du beste pertsona aldatuko. Eta ez du zure harremanean zer egin behar duzun esango. Lehenengo zugan jarriko dugu arreta: zer gertatzen zaizun, zer behar duzun, zer nahi duzun eta nola kokatu nahi duzun. Hortik, zure erabakiak argitasun eta kontzientzia handiagoz hartuko dituzu.
Eta terapia behar badut?
Niregana Itzuli ez da psikoterapia eta ez du terapia ordezkatzen. Coaching eta garapen pertsonaleko prozesu gidatua da. Une honetan arreta psikologiko edo klinikoa behar baduzu, profesional sanitario egoki batekin egitea izango da egokiena; eta, beharrezkoa bada, bi prozesuak bateragarriak izan daitezke.
Inbertsio hau egiteak zalantza sortzen badit?
Normala da 12 asteko prozesu gidatu batean inbertitu aurretik ongi pentsatu nahi izatea. Begiratu ea une honetan bide hau egiteko gogoa eta konpromisoa dituzun. Zalantza zehatzik baduzu, idatzi eta elkarrekin ikus dezakegu ea zuretzat den.
🎁 Niregana Itzuli-n sartzean, opari bat zuretzat
🎧 Zuregana itzultzeko mini-pausa gidatua.
Niregana Itzuli-n izena ematen duten guztiek jasoko dute audio labur hau. Eguneroko martxak, buruko zaratak edo zalantzek harrapatzen zaituzten une horietarako: gelditu, arnasa hartu eta berriro zuregana itzultzeko baliabide praktikoa. Zurekin eraman ahal izango duzun pausa txiki bat, behar duzun bakoitzean erabiltzeko.
Eta lehenengo 5 pertsonentzat, opari berezia
Izena ematen duten lehen 5 pertsonek FORTE Indarguneen Testa egiteko aukera izango dute nirekin. Testaren bidez, zure indargune nagusiak hobeto ezagutuko dituzu: zugan naturalki dauden eta agian beti ikusten edo baloratzen ez dituzun baliabide horiek. Eta ez gara emaitzetan bakarrik geratuko: ondoren, 30 minutuko banakako saioa egingo dugu elkarrekin, zure emaitzak lasai begiratzeko, zure indarguneak hobeto ulertzeko eta Niregana Itzuli-ko prozesuan nola erabili ditzakezun ikusteko.
5 test bakarrik ditut eskuragarri, horregatik, opari hau izena ematen duten lehen 5 pertsonentzat izango da 🤍
Lehenengo 5 plazak bete ondoren, Niregana Itzuli-n izena emateko aukerak zabalik jarraituko du izen-emate epea amaitu arte.
Zure lekua Niregana Itzuli-n
12 asteko prozesu osoa.
12 asteko prozesu gidatua, material guztiak eta bidelaguntza barne.
Inbertsioa bi zatitan banatzeko.
Irailaren 21ean hasiko gara. Izen-ematea irailaren 18an, 23:59an, itxiko da.
Niregana Itzuli-n sartu nahi dut →Botoia sakatzean WhatsAppera eramango zaitut. Bertan izen-ematea amaitzeko eta ordainketa egiteko esteka segurua bidaliko dizut.
🎁 Gainera, Zuregana Itzultzeko mini-pausa gidatua jasoko duzu opari. Eta izena ematen duten lehenengo 5 pertsonek, bakarrik, FORTE Indarguneen Testa eta banakako saioa jasoko dute nirekin.
Aspaldian ari zara gauza askori eusten. Lana. Etxea. Familia. Besteen beharrak. Eta agian, konturatu gabe, zeure burua azkenerako uzten joan zara. Ez duzu dena aldatu behar. Ez duzu beste pertsona bat bihurtu behar. Agian zuregana itzultzen hastea besterik ez duzu behar. Pixkanaka. Zure erritmoan. Eta oraingoan, lagunduta.
Zure lekua ere garrantzitsua da.
Eta zure bizitzan zu ere egoteko garaia da.